• Breaking News

    Rabu, 25 Januari 2017

    ACARA TAON BARU HKIP Sabtu, 28 Januari 2017



    ACARA TAON BARU
    Pimpinan Pusat, Majelis Pusat, Majelis Pendeta,
    Majelis Harian Jemaat dohot Undangan.
    Huria Kristen Indonesia Protestan (HKIP)
    Sabtu, 28 Januari 2017

    Thema : HEHE MA HO, MARSINONDANG MA HO.           ( JES. 60 : 1 )
    Sub Thema : Marhite Partangiangan Bona Taon on, HKIP lam hehe mamboan sinondang tu Masyarakat; Bangso; dohot Negara.

    I.ACARA KEBAKTIAN:
        1.VOTUM ( Agenda )

        2.MARENDE NOM.75 : 1 + 3.
    1). Naung binsar do panondang i, na mangatasi sasude, na olo marsinondang. Sondangan ni do sasude, na di na holom i dope malungun di na torang. Jesus, tulus, ma sangkapmu: SondanganMu nasa jolma, asa unduk di Debata.
    3). Tung ise pasonangkon au? Manang tu dia pe au lao, Sasada Ho huboto pangkilalahon holong ni RohaM di au na bojok i, na pogos jala oto. Unang loas au be lilu, hinophopMu do tondingku, Ingkon Ho do tioponku.

    3.INTROITUS (Ayat/Tangiang/Sik.Patik: Galatia  6 : 10)

    4.MARENDE NOM.122 : 1 + 4.
    1). Ida hinadenggan ni angka na saroha i, Parpambaenan na burju, nang hatanape tutu!
    4. Diparbaga Debata, tu na marsaroha da, Pasupasu na godang i ma roha na sonang.

        5.TANGIANG HASESAAN  NI DOSA
    U    Jong jong ma hita.....Tapaunduk jolo simanjujungta, tauji jolo marningot nunga songon dia rumang ni pangoloionta  diparsuru ni Tuhanta taon 2016 . Molo dihilala rohanta adong dope hahuranganta, tama hita marunduk ni roha mangido sian Tuhanta, asa disesa angka dosanta i....
    (Saat teduh, laos diiringi ELECHTOON E.H.421).....
    U    Hamu angka dongan... nunga sahat hita tu bona ni taon 2017 on sadarion, tama hita marningot godang basa basa ni Tuhanta naung  ta jalo.. alai laos tama do hita mambahen ruji ruji, tupa ditingki hamaolon na taadopi sipata ro angka pandelean. Lupa hita nunga dilumbahon hian tu hita ingkon do porsanonta i. Boi do  mardua dope haporseaonta paboa na Ibana do namandongani, marmahani, marmudumuduhon hita. Molo tahilala nahurang dope hita disi, tadok ma di bagasan rohanta, pardosa nagodang do au, badia ianggo Ho, sai tu naroa do au lao, sai tu najahat  do. Pos ma roham sesaonna do dosa ni halak namangarsak hon  dosana molo sian ias ni roha ibana mangido. Martangiang ma hita: Marsomba au dijolomon, ponjot , tar gogot rohangkon, dibaen godang ni dosangkon, sai jangkon dohot au. Sai jangkon ma au on, naramun diring kon, tung pos do rohangki di Ho, di jangkon Ho au on.

    U+N (Mangendehon EH.nom.421 ;1
        Marsomba au dijolomon, ponjot , tar gogot rohangkon, dibaen godang ni dosangkon, sai jangkon dohot au. Sai jangkon ma au on, naramun diring kon, tung pos do rohangki di Ho, di jangkon Ho au on.

    U    Songon ondo baga baga ni Debata tu ganup halak namananda dosana jala na olo paubahon rohana: Parasi roha jala pardenggan basa do Jahowa, lambat tarrimas jala parasi roha godang. Ndang dibahen tu hita hombar tu angka dosanta, jala ndang  dibalos hon tu hita hombar tu angka hajahatonta. Songon asi ni roha ni ama ama mida anakna,asi ni roha ni Jahowa diangka namang habiari Ibana. Hasangapon ma di Debata na diginjang.
    U+N  Amen
    U      Hundul ma hita.

    6.MARENDE NOM.565: 3.
    3). Debata Parholong roha, na manesa dosangki.Ndang tarbaen so las rohangku, lao mamuji asiM i.Sai ajari sude hami, mangulahon holong i.Asa gok las rohanami di bagasan Tuhan i.

    7.EPISTEL.: MATEUS  5 : 13 – 20. ( Dijaha secara responsoria )
    13. Hamu do sira ni tano on. Alai ,olo hambar sira i, aha ma bahenon paansimhon? Nda tung na hasea be i, sibolonghononhon nama tu balian, asa didegei halak.
    14. Hamu do panondang ni portibion. Ndang tarbahen so sai patar huta na diatas dolok.
    15. ndang dihuphuphon halak ampang tu palito na ginalahanna, tu ginjang ni parpalitoan do dibahen, asa disondangi saluhut na dijabu i.
    16. Naeng songon i ma marsinondang palitomuna di jolo ni halak, asa di ida angka pambahenanmuna na denggan i, asa dipuji nasida Amamuna na di banua ginjang i.
    17. Unang ma dirimpu rohamuna Ahu ro mangarumpakhon patik i, manang hata ni angka panurirang i pe. Ndang ro Ahu mangarumpakhon; na pajongjonghon do Ahu.
    18. Ai hata na sintong do na Hu dok on tu hamu: Rasirasa sega langit dohot tano on, na so tupa sega sian patik i nanggo sada sisiasia manang sanggurit pe, paima saut saluhutna i.
    19. Asa manang ise na mangarumpakhon sada sian patik na ummetmet i jala dipodahon i tu jolma, i ma goaron na ummetmet di harajaon banua ginjang i; alai na mangulahon jala mangajarhonsa, i do goaron na balga di harajaon banua ginjang i.
    20. Ai Hudok ma tu hamu: Molo so andul dumenggan hatigoranmuna sian hatigoran ni angka sibotosurat dohot parise, ndang habongotan hamu harajaon banua ginjang i.
    U    Martua ma na tumangihon Hata ni Debata dohot na mangulahonsa. Amen.

    8.MARENDE NOM.720 ; 1 + 3.
    1). Naeng marsinondang ngolungku diigil Jesus i.Manang di dia pe ahu tontong huingot i.Ref.:Tiur marsinondang ido niigil ni Jesus. Tongtong Mar sinondang, panondang do au tutu.
    3).Tuhan urupi ma ahu sai jaga rohangki. Asa marsinondang ahu, Ho naeng tiruonki. Tiur mar sinondang ...

    9.MANGHATINDANGHON HAPORSEAON

    10.MARENDE NOM.404 : 1 + 3.
    1). Unang ho sai di na holom, tu na tiur ho antong, Sulusulu i ma golom, ai holom portibi on. Naeng ma Pasesahononmu dosa tu Tuhan Jesus i, I pe asa hangoluhononmu na ni omohonNa i.
    3). Dame dohot hatiuron tu roham manongtong ro, Hot ni roha hatoguon, sai lam tu tambana do. Raphon Jesus parangehon sasude ulaonmi. Pos roham, Tuhanta mangalehon roha na imbaru i.

    11.JAMITA :JES. 60 : 1.

    12.MARENDE NOM. 753 : 1.......  Laos pasahat pelean Tujolo laos masijalangan.
    1).     Di pardalanan Jesus di jolongku, holong ni tanganMi manogu au.   Nang di ngolungku Ho do sombaonku, tung sonang mardalan raphon au.
    Ref.:Huboto do tangkas panoguonMu, ditiop Ho tongtong do tanganki, Sahat rodi ujung ni pardalanku, togu ma au jonok tu lambungMi.
    ------- Holan  musik --------
    2).     Sipata lilu haporseaonku, ni lilianan ni portibi on. Alai dung Ho hutatap o Tuhanku, margogo do au di ngolunghon. Huboto do ...

        13.AGENDA PANUTUP

    II.ACARA TAON BARU
        1.KATA KATA SAMBUTAN.
        2.MARSIPANGANON
        3.TANGIANG PANUTUP.

    Sinode

    Pengurus

    Tokoh